सुनको मूल्यमा नयाँ रेकर्ड : आज कतिमा हुँदैछ कारोबार ?

काठमाडौं  – नेपाली बजारमा सुनको मूल्यले पुनः नयाँ रेकर्ड बनाएको छ ।

नेपाल सुनचाँदी व्यवसायी महासङ्घका अनुसार आज छापावाल सुन प्रतितोला एक लाख ५३ हजार रुपैयाँमा कारोबार भइरहेको छ । आज सुनको मूल्यले भदौ २ गतेको उच्च मूल्यको रेकर्ड तोडेको हो । भदौ २ गते एक लाख ५२ हजार ६०० रुपैयाँमा कारोबार भएको थियो ।

मङ्गलबारको तुलनामा छापावाल सुन ८०० रुपैयाँले बढेको हो । मङ्गलबार एक लाख ५२ हजार २०० रुपैयाँमा कारोबार भएको थियो ।

त्यस्तै चाँदी प्रतितोला एक हजार ८३५ रुपैयाँमा कारोबार भइरहेको महासङ्घले जनाएको छ । मङ्गलबार एक हजार ८२० रुपैयाँमा कारोबार भएको थियो ।