देशका सातै प्रदेशमा आज पनि भारी वर्षाको सम्भावना

काठमाडौं – मौसम पूर्वानुमान महाशाखाका अनुसार आज (शुक्रबार) देशैभर भारी वर्षाको सम्भावना रहेको छ । 

हाल देशभर मनसुनी वायुको प्रभाव रहेको छ। मनसुनको न्यून चापीय रेखा सरदर स्थानको आसपास रहेको महाशाखाले जनाएको छ । जसको प्रभावले हाल  देशभर आंशिक देखि साधारणतया बदली रहेको हो। अहिलेपनि गण्डकी, लुम्बिनी, कर्णाली र सुदूरपश्चिम प्रदेशका थोरै स्थानहरू तथा बाँकी प्रदेशका एक –दुई स्थानमा हल्का देखि मध्यम वर्षा भइरहेको छ ।

त्यस्तै आज दिउँसो देशभर आंशिकदेखि साधारणतया बदली रहने छ। कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका केही स्थानहरू र बाँकी प्रदेशका थोरै स्थानहरूमा चट्याङ्ग सहित हल्कादेखि मध्यम वर्षाको सम्भावना रहेको छ।  सबै प्रदेशका  एक – दुई स्थानमा  भारी वर्षाको पनि सम्भावना रहेको छ। 

राति देशभर  आंशिक देखि साधारणतया बदली रहने छ। कोशी, बागमती, गण्डकी र लुम्बिनी प्रदेशका केही स्थानहरू तथा बाँकी प्रदेशका थोरै स्थानहरूमा चट्याङ्ग सहित हल्कादेखि मध्यम वर्षाको सम्भावना रहेको छ। कोशी, बागमती र गण्डकी प्रदेशका एक  – दुई स्थानमा भारी वर्षाको पनि सम्भावना रहेको छ।