बङ्गलादेशको अन्तरिम सरकार प्रमुखमा मोहम्मद युनुस  नियुक्त

काठमाडौं – बङ्गलादेशको अन्तरिम सरकार प्रमुखमा नोबेल पुरस्कार विजेता मोहम्मद युनुस  नियुक्त भएका छन् ।  

मङ्गलबार राति , राष्ट्रपति मोहम्मद अलाउद्दीनले  युनुसलाई अन्तरिम सरकारको प्रमुखमा नियुक्त गरेका हुन् । विवादास्पद आम निर्वाचनमार्फत गठन गरेको १२ औँ संसद् विघटन गरेको केही घण्टापछि राष्ट्रपति अलाउद्दीनले  युनुसलाई अन्तरिम सरकारको प्रमुखमा नियुक्त गरेको बङ्गलादेशी पत्रिका न्यूजले समाचारमा उल्लेख गरेको छ । 

प्रधानमन्त्री शेख हसिनाको सत्ता पतन भएको एक दिनपछि वङ्ग भवनमा भएको संयुक्त बैठकबाट युनुसलाई छनोट गर्ने सहमति गरेर नियुक्त गरिएको समाचारमा उल्लेख छ । अव अन्तरिम सरकारका बाँकी सदस्यबारे राजनीतिक दल र अन्य सरोकारवालासँग छलफलपछि टुङ्गो लाग्ने बताईएको छ ।