२०८१ पौष ७, आईतबार

साटाको आठौँ संस्करण नेपालमा हुने

शुभयुग संवाददाताप्रकाशित मिति: २०८१ अषाढ २५, मंगलबार (५ महिना अघि)

१०७ पाठक संख्या

काठमाडौँ – साउथ एसियन ट्राभल अवार्ड्स (साटा) को आठौँ संस्करण नेपालमा आयोजना हुने भएको छ । दक्षिण एसियाका आतिथ्य क्षेत्रमा यो अवार्ड प्रतिष्ठित मानिन्छ । नेपाल पर्यटन बोर्ड र होटल एसोसिएसन अफ नेपाल (हान) को सहयोगमा यो कार्यक्रम नेपालमा आयोजना गर्न लागिएको सोमबार आयोजित कार्यक्रममा जानकारी दिइएको हो ।

कार्यक्रम १९ जुलाई २०२४ मा आयोजना हुने भएको छ । यस भेगका पर्यटन व्यवसायीबीच नेटवर्किङ अवसरका रूपमा समेत कार्यक्रम फलदायी हुने आयोजकको भनाइ छ । यस भेगको आतिथ्य क्षेत्रमा उत्कृष्ट काम गरेका कम्पनीहरू पुरस्कृत हुनेसमेत आयोजकको भनाइ छ ।

साटाको अघिल्ला संस्करणहरू दक्षिण एसियाका अन्य पर्यटकीय सहरमा आयोजना गरिएको थियो । जसमा श्रीलंकाको गल, भारतको मुम्बई र बैंगलौर, माल्दिभ्सको मालेसहितका सहर रहेका छन् ।