अब आईफोनको लकस्क्रिनमा नेपाली अक्षर राख्न सकिने

काठमाडौं – अब आईफोनको लकस्क्रिनमा देवनागरी लिपी (नेपाली भाषा समेतको) देख्न सकिने भएको छ ।

कम्पनीले सार्वजनिक गरेको आईओएसको नयाँ भर्सनमा लकस्क्रिनमा विभिन्न भाषा सपोर्ट हुने फिचर उपलब्ध गराएसँगै देवनागरी समेत समेटिएको हो । नयाँ अपडेटसँगै लक स्क्रिनमा विभिन्न १२ भाषा समेटिएका छन् । त्यसमध्ये अधिकांश भारतमा प्रयोग गरिने भाषाहरू छन् ।

अब आईओएस १८ अपडेट पाउने आईफोनको लक स्क्रिनमा देवनागरी, अरबिक, अरबिक इन्डिक, बङ्ग्ला, गुजराती, गर्मुखी, कन्नाड, मलायालम, मेइतेई, ओडिआ, आई  चिकी र तेलगु भाषा राख्न सकिनेछ ।