एकीकृत समाजवादीको नेतृत्व चयन प्रक्रिया भोलिदेखी सुरु हुने

काठमाडौं – नेकपा एकीकृत समाजवादीको नेतृत्व चयन प्रक्रिया भोलिदेखी सुरु हुने भएको छ ।

असार १६ गतेदेखी कमलादीस्थित नेपाल प्रज्ञा प्रतिष्ठानको सभाहलमा जारी महाधिवेशनमा भोली विहिवारदेखी नेतृत्व चयन प्रक्रिया सुरु हुने बताईएको छ । आज बुधबार सम्म प्रतिवेदनहरुमा छलफल भइरहेको छ । महाधिवेशनमा आजसम्म राजनीतिक, संगठनात्मक, समाजवादी कार्यदिशा र विधान संशोधन प्रतिवेदन पेश भएको थियो ।

प्रतिवेदनहरु पारित भएपछि भोलिदेखि नेतृत्व चयन प्रक्रिया सुरु हुने बताइृएको छ । २१ सदस्यीय पदाधिकारी सहित २९९ सदस्यीय केन्द्रीय कमिटी चयन गर्ने निर्णय एकीकृत समाजवादीले गरिसकेको छ । पदाधिकारी र केन्द्रीय सदस्य चयन हुने क्लस्टर तयार भइसकेको छ । जसअनुसार, पदाधिकारी सहित ८० जना खुला कोटाबाट आउनेछन् । ७० जना केन्द्रीय सदस्य समावेशी क्लष्टरबाट आउनेछन् ।