आज काठमाडौंका यी ठाउँमा ६ घण्टा बिजुली नआउने

काठमाडौं – आज काठमाडौंका केही ठाउँमा ६ घण्टा बिजुली नआउने भएको छ । रत्नपार्क वितरण केन्द्रअन्तर्गतको विद्युतीय लाइन भूमिगत गर्ने कामका लागि विभिन्न फिडहरूको लाइन अवरुद्ध हुने नेपाल विद्युत् प्राधिकरणले जनाएको छ ।

प्राधिकरणका अनुसार बिहान ११ बजेदेखि बेलुकी ५ बजेसम्म बबरमहल क्षेत्रमा रहेको सैनिक मुख्यालय, सुन्धारा टेलिकम, भन्सार विभाग, पशु अस्पताल, रानीपोखरी प्रहरी र स्वास्थ्य मन्त्रालय लगायत ठाउँमा विद्युत अवरुद्ध हुनेछ ।