२०८१ भाद्र २३, आईतबार
काठमाडौं – सामाजिक सञ्जालका माध्यमबाट अनलाइन ठगी गरेको आरोपमा एक युवक पक्राउ परेका छन् । पक्राउ पर्नेमा रोल्पा घर भई हाल काठमाडौं कोटेश्वर बस्दै आएका १९ वर्षीय विज्ञान घर्तीमगर रहेका छन् ।
काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले आरोपित घर्तीमगरलाई शुक्रबार बानेश्वरबाट पक्राउ गरेको हो । प्रहरीका अनुसार आरोपित युवक सामाजिक सञ्जाल विशेषगरी फेसबुक र टेलिग्रामबाट सर्वसाधारणसँग जोडिन्थे ।
त्यसपछि कुरा गर्दै नजिक हुन्थे । अनि अनलाइनमा रकम लगानी गरे दोब्बर हुने प्रलोभन देखाउँदै विभिन्न बैंक अकाउन्टमा रकम पठाउन लगाउँथे । यसरी एक पीडितबाट दुई लाख १६ हजार रुपैयाँ लिएर उनी सम्पर्कविहीन बनेका थिए । रकम लिएको व्यक्ति सम्पर्कमा नआएपछि उनीमाथि कार्यालयमा उजुरी परेको थियो । त्यसैका आधारमा अनुसन्धान गर्दै जाँदा घर्तीमगर पक्राउ परेका हुन् ।
प्रारम्भिक अनुसन्धानका क्रममा विज्ञान घर्तीमगरको साथमा रहेको स्मार्टफोनमा बाइनान्स एप रहेको देखियो । सो एपबाट भएको कारोबार हेर्दा उनले ७.१५७९१८३८ बराबरको बिटक्वाइन (एक करोड ५१ लाख ७५ हजार रुपैयाँ बढी) को कारोबार गरेको प्रहरीले जनाएको छ ।
नयाँबानेश्वर काठमाण्डौ, नेपाल
01-5705310
सुचना तथा प्रशारण बिभाग दर्ता नं. : - २८३२ - ०७८/७९
Editor-in-Chief :
Bibek Aryal 9841065149
Desk Editor : Haribahadur Baniya
: Bikash Rauniyar