सेयर बजारमा सामान्य वृद्धि

काठमाडौं– साताको पहिलो दिन सेयर बजार आज सामान्य बढेको छ । सेयर बजार परिसूचक नेप्से आज आठ दशमलव २६ अङ्कले बढेर एक हजार नौ सय ७४ दशमलव ५० विन्दुमा पुगेको छ ।

आज फाइनान्स, होटल र माइक्रोफाइनान्स बाहेक सबै समूहको सेयर बढेकोमा बीमा समूहको सेयर उच्च अङ्कले उकालो लागेको छ । आज सृजनशील लघुवित्त कम्पनीको सेयर १० प्रतिशतले बढेको छ ।

समग्रमा बजार बढेको दिन आज सबैभन्दा धेरै मानुषी लघुवित्तको सेयर साढे पाँच प्रतिशत र दोल्ती हाइड्रोपावर कम्पनीको सेयर पाँच प्रतिशतले घटेको छ ।

आज तीन सय ११ वटा कम्पनीका ७८ लाख ५७ हजार कित्ता सेयर तीन अर्ब १५ करोड रुपैयाँको सेयर कारोबार भएको छ । सबैभन्दा धेरै साङ्ग्रीला विकास बैंकको १० करोड रुपैयाँ बराबरको सेयर खरिद÷बिक्री भएको छ ।