बढ्यो सुनको भाउ

काठमाडौं– आज सुनचाँदीको मूल्य बढेको छ । सुनको भाउ आज प्रतितोला ८ सय रूपैयाँ बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ३६ हजार ४ सय रूपैयाँ र तेजाबी सुन प्रतितोला एक लाख ३५ हजार ७ सय ५० रूपैयाँमा कारोबार भइरहेको छ ।

त्यसैगरी, आज चाँदीको मूल्य पनि बढेको छ । सोमबार प्रतितोला १६ सय ६० रूपैयाँमा कारोबार भएको चाँदी आज प्रतितोला १६ सय ७५ रूपैयाँमा किनबेच भइरहेको छ ।