११ सय रुपैयाँले घट्यो सुनको भाउ

काठमाडौं– सुनको भाउ आज घटेको छ । आज सुन तोलामा एक हजार एक सय रुपैयाँले घटेर एक लाख ३५ हजार चार सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

सुनको भाउ हिजो दुई हजार रुपैयाँले बढेर तोलाको एक लाख ३६ हजार पाँच सय रुपैयाँ पुगेको थियो । केही दिनयता सुनको भाउमा उतारचढाव भइरहेको छ ।

आज चाँदीको भाउ भने घटबढ भएको छैन । आज पनि चाँदी तोलाको एक हजार छ सय ४५ रुपैयाँमा कारोबार भइरहेको छ ।