जनकपुरको एक होटलमा युवक मृत भेटिए

काठमाडौं– जनकपुरको पिडारी चोकस्थित नमुना होटेल एण्ड गेस्ट हाउसमा एक युवक मृत फेला परेका छन् । मृत फेला पर्नेमा धनुषाको गणेशमान चारनाथ नगरपालिका– ३ बस्ने २५ वर्षीय मित कुशियैत यादव छन् ।

होटलको कोठा नं. २०४ मा झुन्डिएको अवस्थामा राति ११ बजे मृत फेला परेको धनुषाका प्रहरी प्रवक्ता डिएसपी रञ्जन अवाले जानकारी दिए ।

घटना विषयमा थप अनुसन्धान भइरहेको प्रहरीले जनाएको छ ।