चामलको बोराभित्र लागुऔषध लुकाएर ल्याउने दुईजना पक्राउ

काठमाडौं– चामलको बोराभित्र लुकाएर लागुऔषध उपत्यका ल्याउने र बिक्री गर्ने दुईजना पक्राउ परेका छन् ।

पक्राउ पर्नेमा सप्तरी खडक नगरपालिका–११ का ४७ वर्षीय रामलोचन मुखिया र सोही जिल्लाका बरहथवा नगरपालिका–११ घर भई हाल काठमाडौं बस्ने ४७ वर्षीय कमल अधिकारी छन् ।

लागुऔषध नियन्त्रण ब्युरोको टोलीले बिहीबार थानकोट चेक पोष्टमा उपत्यका भित्रिने गाडीहरू चेकजाँच गर्ने क्रममा लागु औषधसहित रामलोचनलाई पक्राउ गरेको हो ।

रामलोचनको साथबाट नियन्त्रित लागुऔषध २ हजार ४७८ एम्पुल (डाईजेपाम ८४२, फेनारग ९५१) र मनोद्दिपक पदार्थ नाईट्रोभेट ३ हजार ३०८ ट्याब्लेट बरामद गरिएको व्युरोको प्रवक्ता रामेश्वर कार्कीले जानकारी दिए ।