सल्यानमा बस दुर्घटना हुँदा १४ जना घाइते

काठमाडौं– सल्यानमा बस दुर्घटना हुँदा १४ जना घाइते भएका छन् ।

आज बिहान पौने ११ बजे बागचौर नगरपालिका–२ सिङबाङस्थित राप्ति राजमार्ग अन्तर्गत दाङ–रूकुम सडकखण्डमा चल्ने बस दुर्घटनामा परेको हो ।

रा १ ख २०८५ नम्बरको बस अनियन्त्रित भएर दुर्घटनामा परेको जिल्ला प्रहरी कार्यालय सल्यानका डिएसपी नवीन कार्कीले जानकारी दिए ।

उनका अनुसार घाइते १४ जनामध्ये चार जनाको अवस्था गम्भीर छ ।