पाकिस्तानको बलूचिस्तानमा ११ जना बस यात्रीको हत्या

एजेन्सी– पाकिस्तानको बलूचिस्तान प्रान्तमा आतंकवादी हमलामा ११ जनाको मृत्यु भएको छ । मर्नेमध्ये ९ जना बस यात्री भएको बताइएको छ ।

न्यूज एजेन्सीका अनुसार बलूच आतंकवादीले यो हमलाको जिम्मेवारी लिएको छ । गुडिरहेको बसबाट बन्दुकधारीहरुले यात्रीलाई जर्बजस्ती उतारेर अपहरण गरेका थिए । पछि ती यात्रीको हत्या गरेर शवलाई पुलमुनि फ्याकिएको अवस्थामा भेटिएको थियो ।

अर्को छुट्टै घटनामा सोही सडकमा अन्य दुई जनाको हत्या भएको थियो । डनमा छापिएको खबरका अनुसार हत्याको जिम्मेवारी प्रतिबन्धित सशस्त्र समूह बलूचिस्तान लिबरेशन आर्मीले लिएको छ ।