धनुषामा गहुँखेतमा महिलाको शव फेला

काठमाडौं– धनुषामा गहुँखेतमा एक महिला मृत भेटिएका छन् । हंसपुर नगरपालिका–७ बस्ने ५५ वर्षीया शुभदेवी मण्डल मृत भेटिएको प्रहरीले जनाएको छ ।

शनिबार सहिदनगर नगरपालिका–४ ननुपट्टी स्थित गहुँ खेतमा उनको शव फेला परेको धनुषाका डिएसपी रञ्जन अवाले जानकारी दिए ।

मृत भेटिएकी मण्डलको हत्या भएको हुनसक्ने प्रहरीले आकलन गरेको छ । घटनाबारे थप अनुसन्धान भइरहेको प्रहरीले जनाएको छ ।