सुनकोशीमा बेपत्ता दुईजनाको शव फेला, एकजना अझै बेपत्ता

काठमाडौं– होली खेलेर नुहाउने क्रममा सुनकोशीमा बेपत्ता भएका दुई बालबालिका मृत फेला परेका छन् । उनीहरु आइतवारदेखि हराएका थिए ।

फेला पर्नेमा त्रियुगा नगरपालिका–१४ साउने बस्ने बर्ष ९ की रेखा मगर र सोही ठेगाना भएका बर्ष ६ को रिदम मगर रहेका छन् ।

रेखाको शव उदयपुरको त्रियुगा नगरपालिका सिम्ले नजिक दुर्गे ढुङ्गामा फेला परेको र रिदमको शव खोटाङको बाराहापोखरी गाउँपालिका– २ टप्पुभन्ने स्थानमा फेला परेका थिए ।

अझै एक ९ वर्षका लोकचन्द्र मगर वेपत्ता रहेका छन् । होली खेल्दै सुनकोशीमा नुहाउने क्रममा उनीहरु बेपत्ता भएका थिए ।