अछाममा ट्याक्टर दुर्घटना हुँदा ४ जनाको ज्यान गयो

काठमाडौं– अछाममा ट्याक्टर दुर्घटना हुँदा चार जनाको मृत्यु भएको छ ।

आज बिहान मेल्लेख गाउँपालिकामा सुदूरपश्चिम प्रदेश ०१००२ त ४९७९ नम्बरको ट्याक्टर दुर्घटना हुँदा चार जनाको घटनास्थलमै मृत्यु भएको जिल्ला प्रहरी कार्यालय अछामका प्रहरी निरीक्षक अर्जुन साउँदले जानकारी दिए ।

उनका अनुसार दुर्घटनामा अन्य दुई जना गम्भीर घाइते भएका छन् । घाइतेहरूलाई उपचारका लागि बयलपाटा अस्पताल लगिएको छ ।
घटनावारे विस्तृत विवरण भने आउन बाँकी छ ।