काठमाडौं आउँदै गरेको बस दुर्घटना हुँदा ७ जनाको मृत्यु

पोखरा – रुकुमपूर्वबाट काठमाडौं आउँदै गरेको यात्रुबाहक बस बागलुङको निसीखोलामा दुर्घटना हुँदा ७ जनाको मृत्यु भएको छ ।

सोमबार साँझ रुकुमपश्चिमबाट काठमाडौँ आउँदै गरेको बागमती प्रदेश ०१ – ००६ ख ३८७९ नं.को यात्रुबाहक बस मध्यपहाडी लोकमार्गमा दुर्घटनामा भएको हो ।

उक्त बस दुर्घटना हुँदा २० जनाभन्दा बढी घाइते भएका छन् । इलाका प्रहरी कार्यालय बुर्तिबाङका प्रहरी प्रमुख प्रहरी निरीक्षक राजकुमार विकका अनुसार बस सडकबाट करिब ३ सय मिटर तल खसेको छ । बसमा ३२ जना यात्रु थिए ।