जनमतले नयाँ सरकारलाई विश्वासको मत नदिने, उपनिर्वाचनमा आफ्नो उम्मेदवार उठाउने तयारी

काठमाडौं– डा. सीके राउत नेतृत्वको जनमत पार्टीले आसन्न उपनिर्वाचनमा इलामको प्रतिनिधि सभा निर्वाचन क्षेत्र नम्बर २ र बझाङको प्रदेश सभा निर्वाचन क्षेत्र १ (क) मा आफ्नो उम्मेदवार उठाउने निर्णय गरेको छ ।

आज बसेको जनमत पार्टीको सचिवालयको बैठकले सो निर्णय गरेको हो ।

बैठकले नयाँ बनेको गठबन्धनमा सहभागी नहुने र सरकारलाई पनि समर्थन नदिने निर्णय गरेको सो पार्टीका प्रवक्ता डा. शरतसिंह भण्डारीले बताए ।