ललितपुरमा ट्यांकरले ठक्कर दिँदा स्कुटर चालकको मृत्यु

काठमाडौं– ललितपुरमा ट्यांकरको ठक्करबाट स्कुटर चालकको मृत्यु भएको छ ।

महालक्ष्मी नगरपालिका–६ सानोगाउँमा आज बिहान पौने सात बजे बा३ख ८५८५ नम्बरको ट्यांकरले बागमती प्रदेश ०२–०३४प ७३२८ नम्बरको स्कुटरलाई ठक्कर दिँदा १७ वर्षीय स्कुटर चालक सुहायाङ राईको मृत्यु भएको जिल्ला प्रहरी परिसर ललितपुरका एसपी नरेशराज सुवेदीले जानकारी दिए ।

उनकाअनुसार स्कुटर चालक राईलाई दुर्घटनालगत्तै इमाडोलस्थित किष्ट अस्पताल पु¥याइएको थियो । उनलाई साढे सात बजे चिकित्सकले मृत घोषणा गरेको सुवेदीले बताए ।

मृतक राई महालक्ष्मी नगरपालिका, शंखादेवीबाट बालकुमारीस्थित माइलस्टोन कलेज जाँदै गरेको सुवेदीले बताए ।
ठक्कर दिने ट्यांकर र चालकलाई भने प्रहरीले नियन्त्रणमा लिएको छ ।