रामेछापमा खाना सर्केर स्वकिय सचिव श्रेष्ठको मृत्यु

काठमाडौं– रामेछापको रामेछाप नगरपालिकाका कर्मचारीहरुको वनभोज कार्यक्रम अन्तर्गत खाना खाने क्रममा खाना सर्केर नगर प्रमुखका स्वकिय सचिव ४८ बर्षिय लक्ष्मण श्रेष्ठको मृत्यु भएको छ ।

रामेछाप नगरपालिकाका कर्मचारीहरुले सोहि पालिकाका–७ सुकाजोर मा रहेको तारा खस्यो पोखरीमा आज वनभोज कार्यक्रमको आयोजना गरेका थिए ।

सोहि कार्यक्रममा सहभागि भएर खाना खाने क्रममा खाना सर्केपछि श्रेष्ठलाई लामो समय सम्म खोकी लागेको थियो । खोकीका कारण श्रेष्ठ सिथिल हुँदै गएपछि सँगै उनलाई जिल्ला अस्पताल रामेछाप पुर्याएका थिए ।

अस्पताल पुगेको केहि समयमै डाक्टरले उनलाई मृत घोषणा गरेको थियो । जिल्ला अस्पताल रामेछापका डा केशव श्रेष्ठले उनको खाना सर्केर स्वास नलिमा पुग्दा श्वासप्रश्वासमा समस्या बढदै गएका कारण ज्यान गएको बताए ।