१५ अंकले बढेर नेप्से सूचक २१ सय विन्दुमा

काठमाडौं– आज सेयर बजार परिसूचक नेप्से १५ अंकले बढ्दै २१ सयको विन्दुमा उक्लिएको छ ।

हिजो साढे १० अंकले घटेर २ हजार ८५.८२ अंकमा झरेको नेप्से सूचक दोस्रो दिन पुनः १५.३३ अंकले बढ्दै २१ सय १.१६ अंकमा उक्लिएको हो ।

आज कारोबार रकम भने घटेको छ । आज १५ अंकले नेप्से सूचक बढेको बजारमा ३ अर्ब ५८ करोड ६९ लाख रुपैयाँ बराबरको सेयर कारोबार भएको छ । अघिल्लो दिन १० अंकले नेप्से घटेको बजारमा ४ अर्ब ८ करोड ५६ लाख रुपैयाँ बराबरको सेयर कारोबार भएको थियो ।

आज पनि उच्च कारोबार हुनेको शीर्ष स्थानमा हिमालयन रिइन्स्योरेन्स नै रहेको छ । कम्पनीको २३ करोड २ लाख ३५ हजार रुपैयाँ बराबरको सेयर आज दोस्रो बजारमा कारोबार भएको छ ।

यस्तै, एनआरएन इन्फ्रास्ट्रक्चर एण्ड डेभलपमेन्ट लिमिटेडको १६ करोड ३० लाख २५ हजार रुपैयाँ बराबरको सेयर कारोबार हुँदा यता एनआईसी एशिया बैंक लिमिटेडको १३ करोड ७७ लाख ४७ हजार रुपैयाँ बराबरको सेयर कारोबार भएको छ ।