१२ सय रुपैयाँले घट्यो आज सुनको मूल्य

काठमाडौं– आज सुनको मूल्य घटेको छ ।

नेपाल सुनचाँदी व्यवसायी महासंघका अनुसार आज छापावाल सुन तोलामा एक हजार २ सय रुपैयाँले घटेर कारोबार भइरहेको जनाएको छ ।

मंगलबार प्रतितोला एक लाख १९ हजार ४ सय रुपैयाँमा कारोबार भएको छापावाल सुन आज प्रतितोला एक लाख १८ हजार २ सय रुपैयाँमा कारोबार भइरहेको छ ।

त्यस्तै तेजाबी सुन प्रतितोला एक लाख १७ हजार ६५० रुपैयाँमा कारोबार भएको छ । मंगलबार तेजाबी सुन प्रतितोला एक लाख १८ हजार ८५० रुपैयाँमा कारोबार भएको थियो ।

आज चाँदीको मूल्यमा पनि १५ रुपैयाँ घटेर प्रतितोला एक हजार ४ सय रुपैयाँमा करोबार भइरहेको छ ।