चन्द्रागिरिमा कार दुर्घटना हुँदा ४ जनाको मृत्यु

काठमाडौं– चन्द्रागिरिमा कार दुर्घटना हुँदा ४ जनाको घटनास्थलमै मृत्यु भएको छ ।

चित्लाङ–चन्द्रागिरि सडक खण्ड अन्तर्गत चन्द्रागिरि नगरपालिका– ४ सेते पहरेमा प्रदेश नम्बर ३–०१०२३ च ६९८५ नम्बरको कार दुर्घटना भएको हो ।

चित्लाङ प्रहरी चौकीका सई विकास कार्कीका अनुसार दुर्घटनामा परि चार जनाको घटनास्थलमा नै मृत्यु भएको छ ।

अहिले थानकोट प्रहरी र चित्लाङ प्रहरी घटनास्थलमा पुगेको छ । घटनामा मृत्यु हुनेहरूको सनाखत भैसकेको छैन ।

घटनाको थप विवरण आउन बाँकि छ ।