बालकुमारी घटनाको छानबिन उच्चस्तरीय छानबिन समितिमार्फत हुने

काठमाडौं– सरकारले बालकुमारी घटनाको निष्पक्ष छानबिन गर्न उच्चस्तरीय छानबिन समिति गठन गर्ने भएको छ ।

आज बालुवाटारमा बसेको सत्ता गठबन्धनको बैठकमा समिति गठन गर्ने सहमति बनेको भौतिक मन्त्री प्रकाश ज्वालाले बताए ।

त्यसका लागि प्रधानमन्त्री पुष्पकमल दाहाल प्रचण्डले उपप्रधान तथा गृहमन्त्री नारायणकाजी श्रेष्ठलाई आजै निर्देशन दिएका छन् । सोमबार बिहान बस्ने मन्त्रिपरिषद् बैठकले समिति गठन गर्ने र सोमबारबाटै काम सुरु गर्नेछ ।