आफ्नै घरमा मृत अवस्थामा भेटिए नेपाल प्रहरीका सई घिमिरे

काठमाडौं– भक्तपुरमा एक जना प्रहरी नायब निरीक्षक (सई) मृत फेला परेका छन् ।

सूर्यविनायक नगरपालिका– ८ सिपाडोल टौखेलस्थित आज बिहान ७ बजे आफ्नो घरमा सई बालकृष्ण उपाध्याय घिमिरे मृत फेला परेको जिल्ला प्रहरी परिसर भक्तपुरका प्रहरी निरीक्षक किशोर ढुंगानाले बताए ।

४४ वर्षीय घिमिरे तेस्रो तलामा रहेको आफ्नो कोठाभित्र मृत फेला परेका हुन् । उनी नेपाल प्रहरी प्रधान कार्यालय १ नम्बर गण नक्सालमा कार्यरत थिए ।

प्रहरी निरीक्षक ढुंगानाका अनुसार उनको मृत्युको कारण खुलिसकेको छैन । पोष्टमर्टमको लागि प्रहरीले शव अस्पतालमा लगेको छ ।