अलराउन्डर प्याट कमिन्स बने आईपीएल इतिहासकै महँगा खेलाडी, २० करोड ५० लाख भारुमा हैदराबादमा अनुबन्ध

काठमाडौं – अस्ट्रेलिया क्रिकेट टिमका कप्तान तथा अलराउन्डर प्याट कमिन्स इन्डियन प्रिमियर लिग (आईपीएल) इतिहासकै महँगा खेलाडी बनेका छन् ।

यूएईको दुबईमा चलिरहेको आईपीएल मिनी अक्शनमा प्याट कमिन्सलाई सनराइजर्स हैदराबादले २० करोड ५० लाख भारुमा अनुबन्ध गरेको हो ।

यसअघि इङ्ग्ल्यान्डका युवा अलराउन्डर साम करन सर्वाधिक महँगा खेलाडी थिए । गएको वर्षको मिनी अक्शनमा उनलाई पन्जाब किङ्ग्सले १८ करोड ५० लाख भारुमा अनुबन्ध गरेको थियो ।