भैंसेपाटीस्थित मन्त्री निवासभित्र आगलागी

काठमाडौं– ललितपुरको भैंसेपाटीस्थित निर्माणाधीन मन्त्री निवासभित्र आगलागी भएको छ । मन्त्री निवास बनाउन खटिएका मजदुरहरू बस्ने टहरामा आगलागी भएको प्रहरीले बताएको छ ।

मंगलबार बिहान ११ बजेतिर खाना पकाउने क्रममा करेन्ट सर्ट भएर आगलागी भएको ललितपुर प्रहरीले बताएको छ। आगो लागेको केहि मिनेटमै नियन्त्रणमा आएको थियो । आगो निभाउँन महानगर प्रहरीको वारुणयन्त्रसहित प्रहरी खटिएको थियो ।

मन्त्री क्वाटरभित्रको अस्थायी टहरामा मात्रै आगलागी भएको र अन्यत्र फैलिन नपाउँदा ठूलो क्षति टरेको प्रहरीले बताएको छ ।

आगलागीबाट टहरामा रहेका मजदुरका सामान र रंगहरु जलेको प्रहरीले बताएको छ ।