मलेसियामा साथीको हत्या गरेर नेपाल आएका युवक पक्राउ

काठमाडौं – मलेसियामा नेपाली साथीको हत्या गरेर भागेका एक युवक काठमाडौंमा पक्राउ परेका छन् । महोत्तरी गौशालाका अनिलकुमार साहलाई प्रहरीले गत शनिवार विमानस्थलबाट पक्राउ गरेको हो ।

साहले गएको मंसिर २५ गते झापाका धनबहादुर प्रधानको हत्या गरेको र हत्यापछि भागेर नेपाल आउँदै गर्दा उनलाई विमानस्थलबाटै पक्राउ गरिएको काठमाडौं प्रहरीले जनाएको छ ।

प्रहरीका अनुसार नेपाली दूतावास तथा इन्टरपोलसँगको सहकार्यमा उनलाई पक्राउ गरिएको हो ।

मुलुकी अपराध संहितामा रहेको बहुक्षेत्रीय अधिकारसम्बन्धी प्रावधानअनुसार उनीविरुद्ध नेपालमै कर्तव्य ज्यान मुद्दामा अनुसन्धान र अभियोजन हुने काठमाडौं प्रहरीले जनाएको छ ।