सिरहामा करेन्ट लागेर एक युवकको मृत्यु

काठमाडौं– सिरहाको गोलबजार नगरपालिका– ५ मा करेन्ट लागेर एक युवकको मृत्यु भएको छ ।

खेतमा रहेको पानी तान्ने मोटरको तार विद्युतीय बोर्डमा जोड्ने क्रममा करेन्ट लागेर स्थानीय १८ वर्षीय रामरिझन सिंहको मृत्यु भएको जिल्ला प्रहरी कार्यालय सिरहाले जनाएको छ ।

मृतकको शव पोस्टमार्टमका लागि अस्पताल लगेको जिल्ला प्रहरी कार्यालय सिराहाका सूचना अधिकारी डीएसपी रवीन्द्र राज पाण्डेले जानकारी दिए ।