बसको ठक्करबाट मोटरसाइकलमा सवार एक जनाको मृत्यु

काठमाडौं – मकवानपुरको हेटौंडा उपमहागरपालिका–१५ रातोमाटेमा बसको ठक्करबाट एक महिलाको ज्यान गएको छ । एक जना घाइते भएका छन् ।

जिल्ला प्रहरी कार्यालय मकवानपुरका अनुसार ना ४ ख ९५२० नम्बरको बसले ना ५३ प ८५२७ नम्बरको मोटरसाइकललाई ठक्कर दिँदा मोटरसाइकलमा सवार बारा जितपुरसिमरा उपमहानगरपालिका–१२ बस्ने ३२ वर्षीया निशा कुमारीको ज्यान गएको हो ।

मोटरसाइकलका चालक निशाका श्रीमान ४३ वर्षीय रोशनकुमार राय घाइते भएको मकवानपुरका निमित्त प्रहरी प्रवक्ता एवम् प्रहरी निरीक्षक प्रकाश शाहले जानकारी दिए । घाइते रायको हेटौंडा अस्पतालमा उपचार भैरहेको छ । उनको अवस्था सामान्य रहेको पनि प्रहरीले जनाएको छ ।