कवाडी गोदाममा भएको आगलागीमा परेर घाइते भएका एक जनाको मृत्यु

काठमाडौं– विराटनगरमा भएको आगलागीमा परेर घाइते भएका एक जनाको मृत्यु भएको छ ।

सातघुम्ती चोकमा रहेको एउटा कवाडी गोदाममा भएको आगलागीमा परेर घाइते भएका ३० वर्षीय दिपक मण्डलको मृत्यु भएको हो । विराटनगर ७ का उनको न्यूरो अस्पतालमा उपचारकै क्रममा मृत्यु भएको हो ।

थप तीन जना पनि गम्भीर घाइते रहेको र एकजनाको अवस्था सामान्य रहेको मोरङ प्रहरी प्रवक्ता डिएसपी रन्जन दाहालले बताए ।