रास्वपाले बोलायो सचिवालय बैठक

काठमाडौं– राष्ट्रिय स्वतन्त्र पार्टी (रास्वपा)ले आज सचिवालय बैठक बोलाएको छ ।

महोत्तरीको जलेश्वरको केन्द्रीय समिति बैठकबाट थपिएका केन्द्रीय सदस्यहरूलाई दिउँसो साढे तीन बजे शपथ गराउने र साँझ ५ बजे सचिवालयको बैठक बोलाइएको पार्टी उपाध्यक्ष डोलप्रसाद (डिपी) अर्यालले जानकारी दिए ।

सचिवालयको बैठक पार्टी केन्द्रीय कार्यालय चःमतिमा बस्नेछ । रास्वपामा थपिएका पदाधिकारीसहित १२ सदस्यीय सचिवालय छ ।

सहप्रवक्ताबाहेक सबै पदाधिकारी सचिवालयमा छन् । राष्ट्रिय स्वतन्त्र पार्टीले सबै प्रदेशमा प्रशिक्षण, अन्तरक्रिया गर्ने तयारी गरेको छ । त्यसमा पदाधिकारी तथा केन्द्रीय सदस्य परिचालनलगायतका विषयमा छलफल गर्न सचिवालय बैठक डाकिएको रास्वपाले बताएको छ ।