भारतमा शंकास्पद आयुर्वेदिक औषधि खाँदा ५ जनाको ज्यान गयो

काठमाडौं– भारतमा शंकास्पद आयुर्वेदिक औषधि खाँदा ५ जनाको ज्यान गएको छ । त्यस्तो औषधि ५० जनालाई बिक्री गरिएको भारतको गुजरात प्रहरीले अनुमान गरेको छ ।

बिहीबार पछिल्लो २ दिनमा संदिग्ध रूपमा मिसावटयुक्त आयुर्वेदिक सिरप सेवन गर्दा कम्तीमा ५ जनाको मृत्यु भएको हो ।

साथै उक्त सिरप पिएका दुई जनालाई अस्पताल लगिएको बीबीसी हिन्दीले जनाएको छ ।

खेडा जिल्लाका एक पसलले कलमेघासव–अश्वरिष्ट नामक आयुर्वेदिक सिरप करिब ५० जनालाई बिक्री गरेको प्रारम्भिक अनुसन्धानबाट खुलेको प्रहरीले जनाएको छ ।

यो घटना नाडियाद सहरको एउटा गाउँसँग सम्बन्धित रहेको बीबीसी हिन्दीले जनाएको छ ।