८० प्रतिशत सेयर रहेको आजियाटा एनसेलबाट बाहिरिने

काठमाडौं– दूरसञ्चार सेवा प्रदायक कम्पनी एनसेलबाट मलेसियाको आजियाटा कम्पनी बाहिरिने भएको छ ।

एक्जिएटा ग्रुपको बोर्ड बैठकले नेपालबाट बाहिरिने निर्णय गरेको हो । आजियाटाले बुधबार एक विज्ञप्ति जारी गर्दै एनसेलबाट बाहिरिने उद्देश्यका साथ यसको सम्पत्ति बिक्रीमा राखेको बताएको छ ।

एनसेलमा एक्जियटा ग्रुपको ८० प्रतिशत सेयर रहेको छ । बाँकी २० प्रतिशत सेयर सुनिभेरा क्यापिटल भेन्चर प्रालिको छ ।

नेपालमा एनसेलको व्यापार घट्दै गएका बेला आजियाटाले यस्तो निर्णय गरेको हो ।