दुर्गा प्रसाईंको प्रदर्शनमा गएका आचार्य श्रीनिवास पक्राउ

काठमाडौं– दुर्गा प्रसाईंको नेतृत्वमा आज गौशालामा भएको प्रदर्शनमा सहभागी भएर उग्र अभिव्यक्ति दिएपछि विवादास्पद धर्मगुरु आचार्य श्रीनिवासलाई प्रहरीले पक्राउ गरेको छ ।

गेरुवस्त्रमा त्रिशुलसहित आएर उग्र अभिव्यक्तिसँगै सडक अबरुद्ध पार्न खोजेपछि प्रहरीले लगत्तै उनलाई पक्राउ गरेको हो ।

प्रहरीले श्रीनिवाससहित अन्य १० जनालाई पनि पक्राउ परेको छ ।

काठमाडौं प्रहरी प्रमुख भूपेन्द्र खत्रीले श्रीनिवासले आन्दोलन भड्काउने गरि अभिब्यक्ति दिएपछि उनलाई नियन्त्रणमा लिइएको बताए ।

श्रीविासले धर्मका बारेमा बेलाबेला विवादास्पद अभिब्यक्ति दिदै आएका छन् । उनले आज पनि त्यस्तै विवादास्पद अभिब्यक्ति दिएपछि प्रहरीले उनलाई नियन्त्रणमा लिएको हो ।