कलाकार प्रकाश ढकाल मृत फेला

काठमाडौं– कलाकार प्रकाश ढकाल मृत फेला परेका छन् । धादिङको बेनिघाट–रोराङ गाउँपालिका–७ कृष्णभिरमा ढकालको शव फेला परेको हो ।

जिल्ला प्रहरी कार्यालय धादिङका प्रहरी उपरीक्षक गौतम मिश्रका अनुसार ढकालको शव आइतबार साँझ ५ बजेतिर फेला परेको थियो । त्रिशूली नदी किनारको खोचमा ढकालको शव फेला परेको हो ।

ढकाल स्याङ्जाको चापाकोट नगरपालिका–७ का हुन् । उनी काठमाडौं बस्ने गर्दथे । उनी स्याङ्जाबाट गत शुक्रबार काठमाडौंतर्फ आएका थिए ।

खोचबाट शव आज बाहिर निकालिएको छ । घटनाबारे अनुसन्धान भइरहेको प्रहरीले जनाएको छ ।