घट्यो सुन चाँदीको मूल्य

काठमाडौं– सुन र चाँदीको मूल्य आज पनि घटेको छ ।

नेपाल सुन चाँदी व्यवसायी महासंघकाअनुसार आज सुनको मूल्य तोलामा ५ सय र चाँदीको मूल्य तोलामा २० रुपैयाँले घटेको छ ।

आजका लागि छापावल सुनको मूल्य एक लाख १३ हजार २ सय र तेजावी सुनको मूल्य एक लाख १२ हजार ६५० रुपैयाँ कायम भएको छ ।

आइतबार एक लाख १३ हजार ७ सय रुपैयाँमा छापावाल सुन, एक लाख १३ हजार १५० रुपैयाँमा तेजावी सुनको कारोबार भएको थियो ।

आइतबार एक हजार ३८० रुपैयाँमा चाँदीको खरिद बिक्री भएको चाँदीको मूल्य आज एक हजार ३६० रुपैयाँ कायम भएको छ ।