ट्याक्टर दुर्घटना हुँदा चालकको ज्यान गयो

काठमाडौं– ट्याक्टर दुर्घटना हुँदा महोत्तरीमा चालकको घटनास्थलमै मृत्यु भएको छ ।

आज दिउँसो करिब १ बजे महोत्तरीको लोहरपट्टी नगरपालिका–८ भ्रमरपुराको बिगही नदी किनारमा ट्याक्टर पल्टिँदा चालकको मृत्यु भएको प्रहरीले जनाएको छ ।

मृत्यु हुनेमा महोत्तरी पिपरा गाउँपालिका– ३ बस्ने अन्दाजी ३६ वर्षीय रामगुलाम यादव रहेको जिल्ला प्रहरी कार्यालय महोत्तरीका डीएसपी एवं प्रवक्ता दिलीपकुमार गिरीले जानकारी दिए ।

मल लिएर खेतमा जाँदै गरेको प्रदेश २–०२–००१ त १९६९ नम्बरको सो ट्याक्टर तीव्र गतिका कारण दुर्घटनामा परेको प्रहरीले जनाएको छ ।