मन्थली विमानस्थलमा कुटाकुट गर्ने तारा एयरका दुई पाइलट निलम्बित

काठमाडौं– रामेछापको मन्थली विमानस्थलमा तारा एयरका दुई पाइलटबीच कुटाकुट भएको छ ।

आज बिहान तारा एयरका वरिष्ठ क्याप्टेन सन्तोष शाह र सञ्जीव श्रेष्ठबीच विमानस्थलको एप्रोनमा कुटाकुट भएको नागरिक उड्डयन प्राधिकरणले जनाएको हो । झगडाको कारण भने खुलेको छैन ।

प्राधिकरणले ती दुई पाइलटलाई ‘ग्राउन्डेड’ गरेको छ । साथै घटनाको कारणबारे अनुसन्धान भइरहेको जनाएको छ ।