चार दिने भ्रमण सकेर फर्किए गुटेरेस

काठमाडौं– नेपालको चार दिने भ्रमण सकेर संयुक्त राष्ट्र संघका महासचिव एन्टोनियो गुटेरेस फर्किएका छन् ।

महासचिव गुटेरेस त्रिभुवन अन्तर्राष्ट्रिय विमानस्थलबाट आज बिहान अमेरिकाको न्युयोर्कका लागि प्रस्थान गरेका हुन् ।

कतार एयरवेजको उडानमार्फत् महासचिव गुटेरेस न्युयोर्क फर्किएको परराष्ट्र मन्त्रालयले जनाएको छ ।

महासचिव गुटेरेसलाई बिदाइका लागि विमानस्थलमा उपप्रधान तथा रक्षामन्त्री पूर्णबहादुर खड्कालगायत पुगेका थिए ।
महासचिव गुटेरेसले मंगलबार संघीय संसदको संयुक्त बैठकलाई सम्बोधन गरेका थिए ।

महासचिव गुटेरेसले नेपलमा रहँदा सोलुखुम्बु क्षेत्र, अन्नपूर्ण आधार शिविर, पोखरा र लुम्बिनीको भ्रमण गरेका थिए ।