खेतमा उम्रिएको च्याउ खाँदा तीन जना बिरामी

काठमाडौं– जङ्गली च्याउ खाँदा गुल्मीमा तीन जना बिरामी परेका छन् ।

जिल्लाको इस्मा गाउँपालिका–६ बुल्मका ३९ वर्षीय सरिता कुमाल, ११ वर्षीय विमल र आठ वर्षीया सुस्मा बिरामी परेको जिल्ला प्रहरी कार्यालय गुल्मीले जनाएको छ ।

उनीहरु तीनै जनाको अहिले मिसन अस्पताल पाल्पामा उपचार भइरहेको छ । उनीहरु घर नजिकै खेतमा उम्रिएको च्याउ खाँदा सोमबार बिरामी परेको सरिताकी श्रीमान् वृषबहादुरले बताए ।