नचिनेका समूहले प्रहार गरेको गोली लागेर बारामा एक प्रधानाध्यापकको ज्यान गयो

काठमाडौं– बाराको कलैया उपमहानगरपालिका–६ मा रहेको बाल एकता बोर्डिङ स्कुलका प्रधानाध्यापक रुपेश सराफको गोली लागेर ज्यान गएको छ ।

मोटरसाइकलमा आएका नचिनेका मानिसको समूहले ३५ वर्षका सराफमाथि दुई राउन्ड गोली प्रहार गरेका जिल्ला प्रहरी कार्यालय बाराले जनाएको छ ।

गोली लागेका सराफको वीरगञ्जमा रहेको बयोदा सिटी अस्पतालमा पु¥याएको केहीबेरमै ज्यान गएको हो । उनको घाँटी र छातीमा गोली लागेको अस्पतालले जनाएको छ ।

बजार क्षेत्रमा मोटरसाइकलमा यात्रा गरिरहेकै बेला सराफमाथि गोली प्रहार भएको हो । घटनास्थल प्रहरी चौकीबाट नजिकै पर्छ । गोली हान्ने व्यक्तिहरूको खोजी भइरहेको प्रहरीले जनाएको छ ।