चितुवाको आक्रमणबाट एक बालिका घाइते

काठमाडौं– चितुवाको आक्रमणबाट तनहुँमा एक बालिका घाइते भएकी छन् ।

आँबुखैरेनी गाउँपालिका–१ बरादीका प्रेमराज गौलीको छोरी बर्ष ६ की प्रनिशा गौली घाइते भएको प्रहरीले जनाएको छ ।

प्रहरीका अनुसार शनिवार साँझ ६ः४५ बजे आफ्नै घरको आँगनमा खेलिरहेकी उनलाई चितुवाले आक्रमण गरी घाइते बनाएको हो । घर देखि १० मिटर लगेको अवस्थामा वुवाले थाहा पाई तत्काल उद्धार गरेको प्रहरीले जनाएको छ ।

घाइते बालकको नयाँ मेडिकल कलेज भरतपुर चितवनमा उपचार भइरहेको छ ।