जङ्गली जनावरका लागि थापेको धरापमा परेर एकजनाको मृत्यु

काठमाडौं– जङ्गली जनावरका लागि थापेको करेन्टको धरापमा परेर एक पुरुषको ज्यान गएको छ ।

सर्लाहीको बरहथवा नगरपालिका–१४ बिनमाटोलमा करेन्ट लागेर गएराति ५० वर्षीय शिवजी साह तेलीको ज्यान गएको हो ।

स्थानीय नरेश साह बनियाले जङ्गली जनावर छेक्न खेतमा लगाएको बिजुलीको नाङ्गो तारमा परेर तेलीको ज्यान गएको इलाका प्रहरी कार्यालय बरहथवाका प्रहरी नायब उपरीक्षक लिलाराज लामिछानेले जानकारी दिए ।

तेलीको ज्यान गएपछि प्रहरीले जग्गाधनी रामकेवल साहलाई पक्राउ गरेको लामिछानेले जानकारी दिए ।