जबरजस्ती करणी गरेको आरोपमा एक युवक पक्राउ

काठमाडौं– मोरङमा २१ वर्षीया महिलालाई जबरजस्ती करणी गरेको आरोपमा एक जना पक्राउ परेका छन् ।

प्रहरीले मोरङ कटहरी गाउँपालिका–७ बस्ने ३० वर्षीय करण सरदालाई आइतबार बेलुकी पक्राउ गरेको जनाएको छ ।

आफनै घरमा सुतिरहेकी ती महिलालाई करणले बिहीबार जबरजस्ती करणी गरेको उजुरी प्रहरीमा परेको थियो । त्यही उजुरीको आधारमा प्रहरी चौकी गछियाबाट खटिएको प्रहरीले उनलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको जनाएको छ ।