चीनको सिसापाङ्मा हिमालमा गएको हिमपहिरोमा १ नेपालीसहित २ जनाको मृत्यु

काठमाडौं– चीनको तिब्बतमा रहेको सिसापाङ्मा हिमालमा गएको हिमपहिरोमा परेर एक जना नेपालीसहित दुई जनाको ज्यान गएको छ ।

ज्यान गुमाउनेमा नेपाली आरोही मिङमार शेर्पा र एक जना अमेरिकी महिला आरोही रहेका छन् । यस्तै नेपालका विश्व कीर्तिमानी आरोही तेन्जेन

लामा र एक जना अमेरिकी महिला आरोही बेपत्ता भएको चिनियाँ समाचार संस्था सिन्ह्वाले जनाएको छ ।

तेन्जेन लामाले गएको साउनमा ९२ दिनमै विश्वका अग्ला १४ वटा हिमालको आरोहण गरेर कीर्तिमान बनाएका थिए ।

सिसापाङ्मा हिमालमा हिजो शनिवार दिउँसो सात हजार छ सय मिटरमाथि हिमपहिरो गएको हो ।