निगुरो टिप्न गएका दुईजनालाई राप्ती नदीले बगाउँदा एकको मृत्यु, एक बेपत्ता

काठमाडौं– पश्चिम चितवनको राप्ती नदीले बगाएर एक जनाको मृत्यु भएको छ । एक जना बेपत्ता भएका छन् । मृत्यु हुनेमा भरतपुर महानगरपालिका–२४ की ४८ वर्षीया फडिमायाँ अधिकारी रहेको प्रहरीले जनाएको छ ।

जिल्ला प्रहरी कार्यालय चितवनका प्रहरी नायब उपरीक्षक विजयराज पण्डितका अनुसार बेपत्ता हुनेमा ३२ वर्षीया निरमायाँ श्रीमल रहेकी छन् ।

पण्डितका अनुसार उनीहरु आज बिहान निगुरो टिप्न गएका थिए । बेपत्ता श्रीमलको खोजी भइरहेको प्रहरीले जनाएको छ ।