बालिका बलात्कार गरेको आरोपमा युवक पक्राउ

तनहुँ – ११ वर्षीया बालिकालाई जबरजस्ती करणी गरेको अभियोगमा तनहुँमा एक युवक पक्राउ परेका छन् ।

मंगलबार दिउँसो,  तनहुँको भानु नगरपालिका – ९ बडहरे बस्ने आबुखैरेनी गाउँपालिका – ६ सेप्राङ घर भएका २६ वर्षीय कर्ण बहादुर मास्कीलाई प्रहरीले पक्राउ गरेको हो ।

मास्कीले गत भदौ २० गते दिउँसो ती बालिकालाई जबरजस्ती करणी गरेको भन्ने उजुरीको आधारमा प्रहरी चौकी पुर्कोटबाट खटिएको प्रहरीले उनलाई पक्राउ गरेको प्रहरीले जनाएको छ ।

यस सम्बन्धमा प्रहरीले थप अनुसन्धान गरिरहेको छ ।